Harendeg

Cetrék! Bray, tipi hideung bodas dua belas inci. Témbong penyiarna. Manis. Ngawartakeun kapal udara murag jeung ngaran-ngaran anu tilar dunyana dina eta musibah. Teup, maca hiji ngaran. Harendeg. Gesut nyokot tas sakola. Kusiwel amplop surat di buka deui. "Pasti da, moal daék nganteur uing ka bandara. Wani tarohan lah!--Salam ti saingan beratmu, loh!-- Ih, naha kudu kaluar nagri sagala, naha teu di Jakarta atawa di Jogja we ari bosen ngotok-ngowok ngatik elmu di Bangdung mah! Kabayang deui waktu perpisahan. Manéhna daria pisan, ngajak paheula-heula nalukeun haté Lea, Béntang SMA anu di kelas 3c. Anu geus leuwih ti heula indit ka nagri deungeun. Ah, Wilujeng angkat, Bud!

 (Kang IsMaya)